شيرين عبدالسلام تكتب: ماكنتش فاكر

وماكنتش فاكر.

أن الضمة في حضن عنيكي نجاة

وأن القلب الساكن جوه النبض

في ضل وريدي حياة

ومكنتش عايش 

قبل ما اشوفك

ولا أحس بروحك

أي حياة

ولا كنت أصدق 

أن الحب حلاوته ضياه

وان غناوي الهمس 

بتوصل ...

جوا القلب صباه

هو العشق يدوب في إيديكي

يدندن قلبي ويعلا غناه

وهقولك ايه

أنا تايه بيكي 

وساكن فيكي

وبحلم أكون النور لهواكي

وأكون المينا لشط لقاكي

واجدلك نجمات لخطاكي

وبحلم أكون لك 

أحلى حياة

ومهما ألف وأدور حوليكي

أسمعي قلبي ينادي عليكي

يوصل حبل الشوق لسماكي 

بس أقولك 

أيوه بحبك

بحبك ياااااه