الإعلامي أحمد دياب يرثي شهداء حريق رمسيس بقصيدة «حقكم علينا»

حقكم علينا الدمع ساكن القلوب  

حريق سنترال رمسيس وقت الغروب 

الواحد من الصدمة فكره مسلوب 

الشهيد حزين على أمره مغلوب

شاف النار بتقرب وهو مرعوب 

محاصراه بقوة بيدعي علام الغيوب

بيبكي ويقول يارب بصوت منكوب

مفيش فرصة للنجاة أو للهروب

صريخ هنا ودموع هناك يدوب 

أنفاسهم خلصت مقدر ومكتوب 

بس اللي يوجع مفيش شئ محسوب 

ساعات النار بتورينا لهب العيوب 

ضعف وإهمال وضمير معيوب 

هنتعلم من الدرس ولا هننسى 

الضمير هيصحى ولا هيفضل طوب