منال محمد تكتب: حياة بتموت

عد لي كام فاضل من روحك

عد لي كام صرخة وكام عضمة

جواك وجعاك 

عد لي كام فاضل من ناسك 

أو من المحاسيب

طب سيب وأنا سيب كل الفايت 

يمكن يطلع عندك فايض

من ناس جواك 

عد لي كام دور طالع بيهم 

زقني في طابور من أمواتك 

وهناك خليني

يمكن اطلع بعدك مستور 

هات كوم من بكرة ومن الذكرى

وحياة بتموت

جمع من كل عويل نايب 

رصنا في تابوت 

وأشرحلي إزاي كاسك فاضي!

والسم محاوط أنفاسك 

وبدون ما تنول 

أوصف لي إزاي نمت أمبارح 

بعد ماخنقوك ؟!

ضمني جواك 

خليني معاك لحظة بلحظة

خليني أشوف كل المشهد 

وحياتك وأنت غريب فيها 

بتموت إزاي وأنت ماليها 

علي كل قلوب الناس نسمات 

سيب ليا حاجات يمكن أفهم 

إزاي وهموك !!

أتفضل عيش جوه الحالة

خليني أتابع كام طعنة 

جواك تعباك 

وإزاي بتعيش كل حياتك 

زي الأموات